Su segnalazione di un nostro lettore, Gennaro Farucci, pubblichiamo, in occasione della Festa della mamma, una poesia di Salvatore Di Giacomo

Vuje ca ancora tenite ‘a mamma vosta

si nun ‘a stimate,

pe’ vvulé bbene a ‘n’ata

cchiù bbene ve vò vuje ve credite,

gente ‘o ‘nfame ’o ‘ngannata

nun ‘e mettite a ‘o paragone maie,

ca ll’ammore d’’a mamma è gruosse assaje.

’Na vota, ce steva uno

ca pe’ la ‘nnammurata

tutt’’a fortuna soja, doppo asseccata,

propeto nun sapeva cchiù che fa’

p’’a puté cuntentà.

Damme, essa lle diceva, oro, anielle brillanti;

oro, anielle, brillante isso le deva

Puorte! e chilo purtava.

E si diceva: “arruobbe!”,

isso arrubbava:

e si diceva: “accide!”,

isso accedeva.

-       Che bbuò cchiù…?

Si’ contenta…?

C’ato t’aggia da’…?

-       No, contenta nun songo,

nun m’avasta!

– E tu parla, dimme, c’ato aggia fa?

-       Ma ‘o faje? Giura!

– T’’o giuro!

– E si’ no ‘st’uocchie mieie,

tu cchiù nun vedarraje

si chello ca te dico nun farraje…!

Tè, chisto è nu curtiello,

addu mammeta va,

scippale ‘o core e puortammillo cca.

E chillu ‘nfame iette,

e ‘stu coraggio avette;

ma cu ‘o stesso curtiello,

(c’’a mana scellerata lle tremmaje)

scippanno ‘o core ‘a mamma nu dito se tagliaje.

E sapite ‘sta mamma, gente, che lle dicette?

Dicette: “Figlio…, te si’ fatto male?”

E guardannelo ‘o dito, suspiranno, murette.